BAPTISMA DIK CHU ENG HI NGE?

CHHIAR CHHUAK DAP ANG CHE..

A chepakâi ațangin

Țhenkhatin baptisma an chanin an inthlawr a, țhenkhatin an intheh a, țhenkhatin an inleih a, țhenkhatin a ngai kher kher lo an tia. Tiang khan ngaihdan leh tihdan a hrang ta niai nuai mai a ni a; Hla siamtu pakhat pawhin,

"Ngaihdan a tam, pawm dan a tam, keimah mai chuan kal ngaihna pawh ka hre lo..." alo tih phah hial rêng a ni.

Chuvang chuan a eng ber hi nge dik a, a eng engte hi nge dik lo tih chu chhuichhuah a ngai ta hle mai tih chu kan hre thei tawh mai àwm e.

Hemi baptisma kan chhui turah hian mahni ngaihdan emaw pawl ram tihdan emaw kan la dawn lova,tutute emaw zirtir dan ca counter-na emaw va chhirhthehna'na tih lah a ni na-hek lo. History hrang hrang ațangin kan chhui bing mai dawn a ni zawk e. Chuvang chuan nang chhiartu duh tak, hemi (baptisma) chungchang kan chhui turah pawh hian mahni pawl tihdan kha dah țhaa, neutral rilru tak nen, thudikvchu engnge tih zir chhuah tum ràna i lo chhiara, i lo zir chhuah ve ngei hi ka duhsak che a; heta țang hian thudik chu i hmuhchhuah ve ngei ka beisei tak meuh meuh che a ni. Chuti nilova pawl rilru pu ràn chunga i chhiar a nih vaih erawh chuan thudik hi i hmu thei dawn lova, i tan chuan ka hlawhchham saah ka ngai hngal dawn che a ni. Chhiar chhunzawm zel pawh a ngai lo vang. I tan thu țha kan sawi ve lo ve!

I lo thlir dawn teh ang hmiang u leee!

> Work book Encyclopedia vol.1 page 651-ah chuan,"aA hmasa berin vaptisma chu inhnimpil thlap a ni," tih ziak a ni.

> Catholic Encyclopedia vol.2. p. 253-ah chuan,"Kum zabi hmasa lamah chuan, baptisma réng réng chu baptisma khurah te, dîlah te, luiah te inhnimpilin an chang țhin," tih ziak a ni.

> Britanica Encyclopedia 11th  edn. vol.3. p. 365- ah chuan,"Isua hminga baptisma chantir țhin chu kum zabi 2-na ațang khan, Pa leh Fapa leh Thlarau Thianghlim hmingchhála thlak a ni," tih a ni.

> Conney's Encyclopedia of Religian (1970) p. 53-ah chuan,"Tun hma chuan,'Isua Krista hmingin emaw,Lalpa Isua hmingin an in baptis țhin a....hun alo kal zel a, Trinity thurin a lo pian hnu khan, Pa leh Fapa leh Thlarau Thianghlim chhálin baptisma chu an lo inchantir ta a ni," tih a ni.

> "Kohhran kal  zel chuana huam zau thei ang ber, damlo pawh, tui hlau pawh, nausen pawh luia kal ngai kher lovin a thlawra thlawr hi an chíng ta zel a ni. Kan Presbyterian kohhran pawhin chu chu kan chíng ta zel a," (Thurin- Khati khan kan hril țhin a- Synod Publication Board, chhut khatna 1986. p. 7).

> Roman Catholic Encyclopedia. vol.2. p. 262-ah chuan,"Baptisma inchantirna'na Isua hming hman țhin chu kum zabi 2-naah Catholic kohhran chuan Pa leh Fapa leh Thlarau Thianghlim hmingin a thlak," tih ziak a ni.

> Tin, New Standard Encyclopedia vol. 11. p. 88-naah chuan,"Baptisma hi tuia hnim sawina a ni a, Greek țawng ațanga lák darh a ni. Isua Krista hming chauhin an chang țhin,"tiin a ziak.

> Tin, Academic American Encyclopedia vol.111.p. 73-naah chuan,"Isua (Krista) zirtirn te khan Nausen baptisma an chantir ve ngai lo; tin, tuia hnimphumin an chang țhin," tiin a lo ziak.

> Britanica Encyclopedia Eleventh edn. vol. 3.p.,365-366 kan chhiar chuan,"Thu lákna bul ber ber te chuan, khawiah pawh baptisma chu Isua Krista hming vekin an chantir țhin!" tiin a nemhnget hle a ni.

Thlir zel teh ang..

HNIM- BAPTIZO (GREEK)

THLAWR- RANTIZO (GREEK)

> Greek English Lexicon
by: Liddel, Scott & Thayer

Baptisma tih hi Greek țawng "BAPTIZO" tih ațanga lehlin a ni a. A Greek țawngah chuan HNIMPHÚM EMAW HNIMPIL EMAW tihna a ni.

> Classic Greek English Dictionary
by: Pollar

Greek țawng thumal pakhat BAPTIZO tih chu TUIA HNIMPHÚM tihna a ni.

> Greek English Dictionary
by: Pollet

Greek țawnga BAPTIZO tih awmzia chu TUIA INCHIAHPIL tihna a ni.

> Emphatic Diaglott Contains Original Greek Text

Greek țawng tihdanglam loh ORIGINAL ang thlap chuan BAPTIZO hi engtizawng pawhin HNIMPHÛM tihna ani tawp ringawt.

      AUTHORITIES

A.D.324 hma lama kohhran zidingte chuan a hnuaia tarlan ang vek hian an lo ti si a,keini hian engvangin nge kan zawm loh bik ang le?
(Mat.15:9 chhiar rawh)

> Scaff Herzog Religious Encyclopedia

Hei hi sakhaw bulbál chanchin ziahna a ni a. Heta a lan dan chuan baptisma chu PHÙM a ni a, 'HNIMPILA KAI THO LEH TURA THUPEK" a ni tiin a ziak.

> Catholic Biblical Encyclopedia

Hei hi Catholic-in Bible chanchin an ziahna, tunhma kohhrante tihdan chhinchhiahna bu chu a ni a. HNIMPHÚMA BAPTISMA CHAN HI TIHDAN HMASA BER A NI tiin phêk 61-na para 2-naah chuan ziak a ni.

> Encyclopedia Dictionary of Bible

Phék 202-naah chuan BAPTISMA HI HNIMPHÙMA LO CHAN ȚHIN A NI TIH A CHIANG A NI tiin.

> Work Book Encyclopedia

Vol  2. p. 70-a kan hmuh angin, KOHGRAN HMASA TE CHU HNIMPHÙM KHERIN BAPTISMA AN LO CHANG ȚHIN tih ziak a ni.

> Encycloledia Of Lutheran Church

Martin Luther-a chuan anmahni lo tih țhin dan aiin HNIMPHÙM NGATA VAPTISMA CHAN HI a thlanawm zawk a ni tih vol.1. p. 188-ah chuan a sawi.

> Pulpit Comentary

Vol.18. p.156. Rom.6:4 angin BAPTISMA CHU HNIMPHÙM A NI tiin a inziak bawk.

> Bible-a baptisma changte hi Puitling zel an ni a. Naupang baptisma chu a hnu-a siam chawp, Nausen/ naupang te'n thlawra an chan ve theihna'n tihchawp a ni (Chambers Encyclopedia vol.2.  p. 112)

> Thuthlung Tharah hian Nauoang/ Nausen baptisma chantirna kan hmu lo (Inter-preters Bible Dictionary  vol.1. p. 352)

Christian hmasate Literature réng réngah anausen baptisma chantir hi hmuhna a awm lo (aEncyclopedia Britanica vol. 3. p.138).

> West Germany-a Lutheran Pastor 350 zet chuan Nausen baprtisma hi tihbàn an duh a. An fate,chantir an phal hek lo. Baptisma chang tur chuan Isua ring chubga an chan theihna'n a awmzia an hre hmasa phawt tur a ni an ti (Time Magazine. p. 58. May. 1968).

> Karl Barth, Switzerland mi, kum zabi 20-naa Theologian hmibgthang ber mai chuan, 'Nausen baptisma  hian Bible-ah inhngah chhanna tur a nei lo. Kohhran hmasa hote hman sual palh a ni,' tiin a ziak. (Time Magazine. p. 58. May. 1968).

> Hasting Encyclopedia of Religion. vol. 2. p. 377 kan chhiar chuan, Justin Martar-a hun
thleng khan Isua hming chauh hmangin an inhnimphûm țhin a a ni.

> Canney Encyclopedia of Religion. p. 53-na kan chhiar chuan kum zabi 2-na A.D.200 thleng kha chuan Isua hming chauhin baptisma an chang țhin a ni.

> Schaff-Herzog Religious Encyclopedia. vol. 1. p. 434-ah chuan hetiang hian a ziak ve thung. "Thuthlung Thar hian Isua hminga baptisma chan tur tih bák hming dang hman tur sawi a nei lo. 'Pa leh Fapa leh Thlarau Thianghlim tih chu hming a ni lova, Pa réng réng chuan hming an nei zel ang hian, Isua hi Pa leh Fapa leh Thlarau thianghlim hming chu a lo ni zawk.

> Catholic Encyclopedia vol.2. p. 435 naah chuan Isua hminga hnimphùmabaptisma chan hi Pa leh Fapa leh Thlarau Thianghlim hming lama thlawrin anmahni Catholuc thlak (thupek) ngei ani tih a ziak. Presbyterian te, Salvation te, Baptis te leh Evangelical leh pawl dang dangte hian Catholic ațanga Protestant a lo pian khan Catholic thlak danglam hi pawm vein an hmang zui ve ta zel zawk a ni.

> Isua hminga baptisma chantir țhin chu, Pathian pakhata minung pathum awma an lo rin ták avangin "Pa lehh Fapa leh Thlarau Thianghlim hmingin chantir tur," tiin an lo thlak ta a ni.(Nicean Council Resolution. no.18)

> Hnimphùm aiah Nausen baptisma chantirna leh tui thlawra an thlak dan / chungchang hi Nicea Council Resolution no.10-naah a awm bawk.

> J.K. Howard-a pawhin,"Theh leh thlawr hi Apistol-te tihdanah hmuh tur a,awm lova, tlai khaw hnua inzirtirna mai mai a ni," a ti a ni.

Nm, tawk rih phawt ang. Khi'ng ho khi khawvelin history-a a pawm hote an ni hlawm a, tu pawl / kohhran tihdan emaw sawimawi tuma Side lam nei rùna tih lah a ni na-hek lo, thil nihdan dik tak chu eng ber hi nge tih hriatna'n history ațanga kan hmuh kan han la chhuak zawk a ni. A remchàn dan azir zelin topic dang dang pawh ka rawn khel chho zel dawn a ni. Ka lawm e.