THU THA LEH FING

*NGAIHTUAH CHIANG VE CHHIN TEH* Thlarau khawvel kan ngaihtuah luatah hian taksa khawvel hi kan lo ngaihthah fo mai lo maw? Nakinah hrehawm leh lungngaina reng awm lohna hmunah tiin kan ral thlir a, tunah hrehawm leh lungngaihnate rah beh tum si lo hian kan lo kur nguai fo mai lo maw? Thlarau damna duh tawkin rilru leh taksa lam hi hmelma bawl atin kan lo awm fo mai lo maw? Nakin kan thlir nasat luatah tuna kan hamțhatna turte hi kan lo bawh pelh daih thei mai lo maw? Nakin atan chhandam kan ni ngawt lo va, tunah hian min chhandam a ni, nakinah chanvo țha kan chang dawn a ni ngawt lo va, tunah hian chanvo duhawm ber kan chang zawk a ni. Thlarau khawvel chauh kan thlira he leiah ngei Lalpa beisei nachang kan hriat si loh chuan at khat chuan kan â a ni ngei ang. ➰✖➰🙏🏽➰VP➰🙏🏽➰✖➰ COPY FROM FB VINCENT PACHUAU

MIZO ȚAWNG I ZIR ANG U.. (Kan Lusei țawng humhalhna'n zel...) Kan mizo țawngah hian a ni záwnga hman chi thumal (affirmative word) leh a ni lo zâwnga hman chi thumal (negative word) kan nei ve ve a, chûng zinga a ni lo lam chauha hman chi kan hman sual thumal țhenkhatte kan tarlang dawn a ni. Zei lo, zia lo, chiangkuang lo, mumal lo, nikhua lo, fumfe lo, namai lo, țuțai lo, dukdak lo, lé lo, hnaisai lo, namén lo, bengtla lo, țàwmkai lo, tlâktlái lo, țița lo, therté lo, duai lo, dimduai lo, awkawng lo, awzáwng lo, adt. "He Pa/ nu hi a ZEI ania" te i ti țhin em? " An thu leh hla CHIANGKUANG takin ka hria" te i ti țhin ngai em? "FUMFE deuhin thil rawn hria ang che" te i ti țhin ngai bawk em? A vai khian a dik lo vek. Chuvang chuan khitiang thumal ho khi i hmang dawn a nih chuan a tawpah "Lo" tih hi hmang tel zel țhin ang che. Tichuan, Mizo țawng i lo tizahawmin i lo humhalh țha dawn tihna a ni. Nm, hei hi ka sawi duh. Tun ațanga k

*HRE RENG RAWH* 1. Lal Isua i rin avangin nuam sa reng turah in ngai ngawt lo la, i hrehawm reng dawn lo tih pawh hre tel nghal ang che.. 2. Hrehawmna leh tawrhna te hi Lal Isua zuitute chanvo bik a ni ngawt lo a, Hringnun pian ken ve mai zawk a ni.. 3. I harsatna apiang lak kian sak che Lalpan a tum lo va, harsatna kara a hmel mawi hmu thiam turin a duh zawk che a ni. 4. Lal Isua hnuhnung hi zui miah lo mahla hrehawmna leh lungngaihna chuan a zuan khum bik chuang lovang che.. 5. Hrehawmna leh tawrhna kara Lalpa hmel i hmu thiam a nih chuan hrehawmna leh lungngaihna chuan a hneh lo che tihna a ni. 6. Pathian thu hi ei zawnnana hman chi a ni lo va, ei hmuhnan erawh a aia hman tlak a awm lo.. 7. Tuar ringawt turin Lal Isua hnung i zui dawn a ni lo va, i zui Isua chu tawrhna hmachhawnnan a aia tha a awm lo zawk a ni. 8. Lal Isua i neih avangin thil engkim hi a fel duak dawn a ni lo va, thil engkim hi Isua nen chuan a ropui thin zawk a ni. 9. Lal Isua hnungzui hi channa